तलाठी भरती घोटाळ्या बाबत परीक्षार्थींनी केला टी.सी.एस. कंपनीचा निषेध ….!

लाल दिवा-नाशिक,ता. १६: चांदवड शहरात दोन वाचनालय असून काही खाजगी अकादमी सुद्धा आहेत. या माध्यमातून अनेक तरुण तरुणी स्पर्धा परीक्षा सरळसेवा तयारी करणेसाठी मोठी आशा मनात ठेवून वाचनालयात अभ्यास करीत आहेत.

मात्र गेल्या काही दिवसांपूर्वी तलाठी भरती निकाल लागला ही भरती टी सी एस या कंपनीकडे दिलेली होती. या भरतीत घोटाळा झाल्याने कर्मचाऱ्यांवर गुन्हे दाखल झाल्याचे वृत्त प्रसारित झाले आहे. यामुळे गोरगरीब विद्यार्थ्यांवर अन्याय होत असून तरुणांच्या तोंडाला पाने पुसली जात आहेत. तरी पुढील परीक्षा या महाराष्ट्र राज्य लोकसेवा आयोगामार्फत घेण्यात याव्या अशी मागणी करण्यात आली. पुढील पोलीस भरती सुद्धा टी सी एस कडे न देता सुरळीतपणे पार पाडणे आवश्यक आहे अशी खंत विद्यार्थ्यांनी व्यक्त केली