माजी सैनिक विश्रामगृहात माळी पदाची हंगामी पदभरती नाशिक :- लेफ्पनंट कर्नल विलास सोनवणे…!
लाल दिवा-नाशिक, दिनांक 6 डिसेंबर,छात्रपूर्व प्रशिक्षण केंद्र, नाशिकरोड अधिनस्थ असलेले माजी सैनिक विश्रामगृह, नोंदणी भवन शेजारी, नाशिकरोड, नाशिक येथे अशासकीय माळी (पुरूष) पदाची तात्पुरत्या स्वरूपात पदभरती करावयाची आहे. जिल्ह्यातील इच्छुक माजी सैनिक व नागरिकांनी 15 डिसेंबर 2023 पर्यंत अर्ज सादर करावेत, असे आवाहन प्रभारी अधिकारी, छात्रपूर्व प्रशिक्षण केंद्र, नाशिकरोड, नाशिक लेफ्पनंट कर्नल विलास सोनवणे (निवृत्त) यांनी प्रसिद्धी पत्रकान्वये केले आहे.
अशासकीय माळी (पुरूष) हे पद ताप्तुरत्या स्वरूपाचे असून या पदासाठी रूपये 12 हजार 699 इतके मानधन देण्यात येणार आहे. इच्छुक माजी सैनिक व नागरिकांनी आपले अर्ज छात्रपूर्व प्रशिक्षण केंद्र, विभागीय आयुक्त कार्यालय परिसर, नाशिकरोड, नाशिक येथे सादर करावयाचे आहे. अधिक माहितीसाठी 0253-2451032 या दूरध्वनी क्रमांकावर किंवा 9156073306 या भ्रमणध्वनी क्रमांकावर संपर्क साधावा. असे प्रभारी अधिकारी, छात्रपूर्व प्रशिक्षण केंद्र, नाशिकरोड, नाशिक लेफ्पनंट कर्नल विलास सोनवणे (निवृत्त) यांनी कळविले आहे.
