संकट मोचक गणरायाचे मनपामध्ये जल्लोषात आगमन !
- मनपामध्ये बाप्पाचे आगमन, श्रींच्या जन्माचा देखावा आकर्षण
लाल दिवा-नाशिक,दि.८ : नाशिक महानगरपालिकेत यंदा गणेशोत्सवाची धामधूम पाहायला मिळत आहे. महानगरपालिका अधिकारी कर्मचारी सार्वजनिक गणेशोत्सव मंडळातर्फे मोठ्या उत्साहात बाप्पाचे आगमन झाले. नाशिक महानगरपालिकेचे आयुक्त तथा प्रशासक डॉ. अशोक करंजकर आणि त्यांच्या पत्नी वर्षाताई करंजकर यांच्या हस्ते गणरायाची प्रतिष्ठापना करण्यात आली.
नाशिक पूर्व विभाग, मेन रोड येथील मनपाच्या मानाच्या गणपतीची विधिवत पूजा आणि महाआरती करण्यात आली. यावेळी अतिरिक्त आयुक्त प्रदीप चौधरी, अतिरिक्त आयुक्त स्मिता झगडे, उपायुक्त श्रीकांत पवार, उप आयुक्त अजित निकत, शहर अभियंता संजय अग्रवाल, मुख्य लेखाधिकारी दत्तात्रय पाथरूट, विभागीय अधिकारी राजाराम जाधव यांसह नाशिक महानगरपालिकेतील सर्व विभागातील अधिकारी आणि कर्मचारी उपस्थित होते.
मेन रोड येथील गणरायाच्या प्रतिष्ठापनेनंतर राजीव गांधी भवन मुख्यालय येथे देखील अधिकारी कर्मचारी सार्वजनिक गणेशोत्सव मंडळाच्या मूर्तीची पूजा मनपा आयुक्त डॉ. अशोक करंजकर यांनी केली.
मेन रोड येथील गणरायाच्या देखाव्याने सर्वांचे लक्ष वेधून घेतले. यावर्षी श्रीरामाच्या जन्मावर आधारित देखावा साकारण्यात आला आहे.
