प्रेमाच्या बहाण्याने तरुणीला गर्ववासनेची शिकार! नालासोपाराहून आरोपीला बेड्या, पंचवटी पोलिसांचे उल्लेखनीय कामगिरी!
- पंचवटी पोलिसांची कामगिरी: प्रेमाच्या नावाखाली फसवणूक करणाऱ्या युवकाला बेड्या!
लाल दिवा-नाशिक,दि,८:-पंचवटीत प्रेमाचे जाळे पसरवून अल्पवयीन मुलीला गर्ववासनेची शिकार करणाऱ्या नराधमाला पोलिसांनी अखेर नालासोपाराहून जेरबंद केले आहे. आरोपी आकाश गुप्ता (वय १९) याने पीडितेला गेल्या वर्षी जून ते डिसेंबर महिन्यादरम्यान वेगवेगळ्या ठिकाणी नेऊन तिच्यावर अत्याचार केल्याचे समोर आले आहे. ही बाब उघडकीस येताच आरोपी फरार झाला होता. मात्र पंचवटी वरिष्ठ पोलीस निरीक्षक मधुकर कड यांच्या मार्गदर्शनाखाली पोलिसांनी अथक प्रयत्नांनी त्याचा शोध घेतला.
पीडितेला पंचवटी येथील त्याच्या घरी आणि एका रूममध्ये नेऊन आरोपीने अनेकदा तिच्यावर बलात्कार केला. यामुळे पीडिता गर्भवती राहिली. ही बाब आरोपीच्या निदर्शनास आणून दिल्यानंतर त्याने पीडितेला शिवीगाळ केली आणि पसार झाला.
याप्रकरणी पीडितेने पंचवटी पोलीस ठाण्यात फिर्याद दिली असून, पोलिसांनी आकाश गुप्ता विरोधात भादंवि कलम ३७६ (२), ३५४, ५०४ आणि बालकांचे लैंगिक अत्याचार प्रतिबंधक कायद्याअंतर्गत गुन्हा दाखल केला आहे. सपोनि बापू रायकर या प्रकरणाचा तपास करीत असून, पोउनिरी प्रदीप गायकवाड यांना पुढील तपासासाठी जबाबदारी देण्यात आली आहे. आरोपीला न्यायालयासमोर हजर करण्यात आले असून त्याला १२ सप्टेंबर पर्यंत पोलीस कोठडी सुनावण्यात आली आहे. पोलिसांनी आरोपीच्या गुन्हेगारी इतिहास तपासण्यास सुरुवात केली असून, त्याच्या मोबाइल आणि अन्य वस्तूंची तपासणी करण्यात येत आहे.
