पंचवटीत प्रेमाचे नाटक, तरुणीला गर्ववासनेची शिकार; अल्पवयीन मुलीवर अत्याचार करणाऱ्या आरोपीविरोधात गुन्हा दाखल, पोलीस तपास सुरू !
- पंचवटीत अल्पवयीन मुलीवर बलात्कार, गुन्हा दाखल
लाल दिवा-नाशिक,दि.८ :- पंचवटी परिसरात एका अल्पवयीन मुलीवर बलात्कार झाल्याची धक्कादायक घटना उघडकीस आली आहे. आरोपीने पीडितेला गेल्या वर्षी जून ते डिसेंबर महिन्यादरम्यान वेगवेगळ्या ठिकाणी नेऊन तिच्यावर अत्याचार केल्याचे समोर आले आहे. याप्रकरणी पंचवटी पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार, आरोपी आकाश गुप्ता (वय १९) याने पीडितेला पंचवटी येथील त्याच्या घरी आणि एका रूममध्ये नेऊन तिच्यावर अनेकदा बलात्कार केला. यामुळे पीडिता गर्भवती राहिली. ही बाब आरोपीच्या निदर्शनास आणून दिल्यानंतर त्याने पीडितेला शिवीगाळ केली.
याप्रकरणी पीडितेने पंचवटी पोलीस ठाण्यात फिर्याद दिली असून, पोलिसांनी आकाश गुप्ता विरोधात भादंवि कलम ३७६ (२), ३५४, ५०४ आणि बालकांचे लैंगिक अत्याचार प्रतिबंधक कायद्याअंतर्गत गुन्हा दाखल केला आहे. सपोनि बापू रायकर या प्रकरणाचा तपास करीत असून, पोउनिरी प्रदीप गायकवाड यांना पुढील तपासासाठी जबाबदारी देण्यात आली आहे.
या घटनेमुळे परिसरात एकच खळबळ उडाली असून, पोलिसांकडून आरोपीला लवकरात लवकर अटक करण्यात यावी, अशी मागणी होत आहे.
