नाशिक पोलीसांचा चोरांना चोख प्रत्युत्तर: जळगावमधून 11 लाखांच्या 27 मोटारसायकलीसह सराईत चोराला बेड्या !
पोलीसांचा चोरांना डंख: 11 लाखांच्या दुचाकी जप्त
लाल दिवा-नाशिक,दि.१६:-(प्रतिनिधी): नाशिक शहरातून गेल्या काही महिन्यांपासून मोटारसायकल चोरीच्या घटनांमध्ये वाढ झाली होती. या पार्श्वभूमीवर पोलीस आयुक्त श्री. संदीप कर्णिक यांनी विशेष पथकाची स्थापना करून चोरांना जेरबंद करण्याचे आदेश दिले होते. या पथकाने अथक प्रयत्नांनंतर जळगाव जिल्ह्यातून ₹11,17,000/- किमतीच्या 27 मोटारसायकलींसह एकाला अटक केली आहे. किशोर संजय चौधरी (वय 30, रा. कृष्ण मंदिराचे मागे, तरवाडे, ता. पारोळा, जि. जळगाव) असे अटक करण्यात आलेल्या आरोपीचे नाव आहे.
चौधरी हा सराईत गुन्हेगार असून तो नाशिक शहरातील विविध भागातून मोटारसायकली चोरी करून जळगाव जिल्ह्यातील शिवरे, तरवाडे, आडगांव आणि धरणगाव येथे विक्री करायचा, अशी माहिती पोलीस उपायुक्त (गुन्हे) श्री. प्रशांत बच्छाव यांनी दिली. चौधरीच्या मुसक्यांमुळे मुंबई नाका, सातपूर आणि पंचवटी पोलीस स्टेशनमध्ये दाखल झालेल्या 14 गुन्ह्यांचा उलगडा झाला आहे.
ही कारवाई पोलीस उपनिरीक्षक मुक्तेश्वर लाड, मंगेश जगताप, रवींद्र दिघे आणि भगवान जाधव यांच्या नेतृत्वाखाली नाशिक शहर पोलिसांच्या मोटारसायकल चोरी शोध पथक आणि पारोळा पोलीस ठाण्याच्या संयुक्त विद्यमाने पार पडली.
चौधरीकडून जप्त करण्यात आलेल्या 27 पैकी 17 मोटारसायकलींच्या मालकांचा शोध पोलीस घेत आहेत.
पोलीस आयुक्त श्री. कर्णिक यांनी या कारवाईबद्दल पथकाचे कौतुक करून नागरिकांना वाहनांची योग्य ती काळजी घेण्याचे आवाहन केले आहे.
वाहन चोरीच्या घटनांमध्ये वाढ : नागरिकांमध्ये भीतीचे वातावरण
पोलीसांकडून वाहन चोरी रोखण्यासाठी खास मो
