जेलरोड रस्ता त्वरित दुरुस्त करा! आंदोलन व निदर्शनाची हाक!

नाशिकरोड – जेलरोड मुख्य रस्त्याची दुरावस्था झाली असून, रस्त्यावर मोठमोठे खड्डे पडून धुळीचे साम्राज्य पसरले आहे. पावसाळ्यात तर पायी चालणे आणि वाहने चालवणेही धोकादायक झाले आहे. रस्त्याची दुरवस्था झाल्याने नागरिक, विद्यार्थी, कामगार, दुचाकीस्वारांसह जेलरोडवरील व्यापाऱ्यांचेही हाल होत असून, अपघातांचे प्रमाणही वाढले आहे.

या प्रश्नाकडे मनपा प्रशासनाचे दुर्लक्ष असल्याने जेलरोड रस्त्याची त्वरित दुरुस्ती करण्याच्या मागणीसाठी आंदोलन व निदर्शने करण्यात येणार आहेत.

नागरिकांनी या आंदोलनात मोठ्या संख्येने सहभागी व्हावे, असे आवाहन नगरसेवक प्रशांत अशोकभाऊ दिवे आणि नगरसेविका मंगलाताई प्रकाश आढाव यांनी केले आहे.

दिनांक: बुधवार, ४ सप्टेंबर २०२४

वेळ: सकाळी १०.३० वा.

स्थळ: भिम नगर, जेल रोड, नाशिक रोड.

आयोजक: शिवसेना-उद्धव बाळासाहेब ठाकरे, जेलरोड- नाशिक रोड विभाग.