वांजुळेंची कंट्रोल रूम मध्ये बदली करताच….नाशिकरोड पोलिसांची दमदार कामगिरी…..हद्दीत अवैध दारूसाठ्यावर छापा…..बंद गाळयातून २,३२,२१२ रु. किमतीचा माल हस्तगत…!
नाशिकरोड : पोलीस स्टेशन हद्दीत शिंदे गाव परीसरात अंमली पदार्थ मिळून आल्याने त्या अनुषंगाने हद्दीतील बंद असलेले गोडावून, आस्थापनांमधील अवैध, बेकायदेशीर साठयांबाबत माहिती प्राप्त करून योग्य ती कारवाई करणेबाबत सहा. पोलीस आयुक्त, नाशिकरोड विभाग श्री. आनंदा वाघ सो., यांनी नाशिकरोड पोलीसांना आदेशित केले होते.
त्यानुसार दि. १७/१०/२०२३ रोजी पळसे गाव परीसरात गोडावून आस्थापनांबाबत माहिती घेत असताना ‘देवी रोड, गट नं. १३८६, फुलेनगर, पळसे येथे बऱ्याच वर्षापासुन बंद असलेल्या गाळयामध्ये अवैध दारूचा साठा आहे.’ अशी पो. ना. ८७० अनिल पवार यांना गोपनिय बातमी मिळाल्याने त्यानुसार प्रभारी वरीष्ठ पोलीस निरीक्षक पवन चौधरी यांनी सदर ठिकाणी बातमीप्रमाणे खात्री करून सपोनि गणेश शेळके यांना कारवाई करण्याबाबत आदेश दिला. सदरचा गाळा बंद असल्याने सपोनि शेळके यांनी सहा. पोलीस आयुक्त, नाशिकरोड विभाग
- यांच्याकडुन झडती व जप्तीचे वॉरंट प्राप्त केले. प्रभारी वरीष्ठ पोलीस निरीक्षक श्री. पवन चौधरी यांच्या
- मार्गदर्शनाखाली सपोनि गणेश शेळके व गुन्हे शोध पथकामधील पोलीस अंमलदार यांनी मिळालेल्या माहितीनुसार
- पळसे फुलेनगर, देवी रोड, गट नं. १३८६, येथे जावून रोडलगत असलेल्या बंद गाळयाच्या मालकाबाबत माहिती
- घेतली असता कोणतीही माहिती मिळून आली नाही. त्यामुळे उपस्थित पंचांसमक्ष गाळयाचे कुलूप तोडून आत प्रवेश करून दि. १७/ १० / २०२३ रोजी १९:२३ वाजेच्या सुमारास छापा टाकला असता गाळयामध्ये सन १९९८-२००० मधील भारतीय बनावटीचा जुना विदेशी दारूचा साठा मिळून आल्याने त्याची मोजदाद करून तेथून एकुण २, ३२, २१२/- रूपये किंमतीचा जप्त करण्यात आला आहे.
- पळसे ता. जि. नाशिक येथील फुलेनगर, देवी रोड, गट नं. १३८६ मधील रोडलगत असलेल्या गाळयामध्ये सदर माल मिळून आल्याने गाळयाचा मालक तसेच गाळयात अवैधरित्या विदेशी दारूचा साठा करणारा इसम यांचेविरूध्द नाशिकरोड पोलीस स्टेशन येथे महाराष्ट्र दारूबंदी अधिनियम कलम ६५ (ई) प्रमाणे गुन्हा
- दाखल करण्यात आला असून गुन्हयाचा अधिक तपास सपोनि गणेश शेळके हे करत आहेत.
सदरची कारवाई मा. पोलीस आयुक्त श्री. अंकुश शिंदे, मा. पोलीस उपायुक्त परिमंडळ-२, श्रीमती मोनिका राऊत, मा. सहा. पोलीस आयुक्त नाशिकरोड विभाग, श्री. आनंदा वाघ आणि नाशिकरोड पोलीस ठाणेचे प्रभारी वरिष्ठ पोलीस निरीक्षक श्री. पवन चौधरी यांचे मार्गदर्शनाखाली सपोनि गणेश शेळके, पोउपनिरीकेशव आडके, पोहवा / १६४८ अखलाक शेख, पोहवा / १८५१ संदीप पवार, पोना / ८७० अनिल पवार, पोशि/ २०४ अरुण गाडेकर, पोशि/ २०७२ मनोहर कोळी, पोशि/ २५५० भाऊसाहेब नागरे, पोशि/ १५४२ यशराज पोतन, पोशि/ २३६० रोहीत शिंदे, पोशि/ २५५० कल्पेश जाधव, पोशि/ २३८१ गोकुळ कासार अशांनी यशस्वीरित्या केलेली आहे.
