बेकायदेशीरपणे शहरात फिरणारा ‘तो’ मोबाईल चोरट्या तडीपार आरोपी अखेर जेरबंद…..!
लाल दिवा-नाशिक,ता.१०: गुन्हेशाखा युनिट क. १ नाशिक शहर कडील नेमणुकीचे पोलीस अधिकारी व अंमलदार हे रेकॉर्ड वरील तडीपार आरोपी यांचा शोध घेत असतांना पोलीस नाईक प्रशांत मरकड यांना गुप्त बातमीदार यांचे मार्फतीने बातमी मिळाली की, रेकॉर्ड वरील तडीपार आरोपी वेदांत संजय चाळगे हा सिव्हील हॉस्पीटल नाशिक या परीसरात येणार असल्याची खात्रीशीर बातमी मिळाली व सदरची माहीती वपोनिरी. श्री. विजय ढमाळ सो. यांना कळविली असता, वपोनिरी. श्री. विजय ढमाळ साो. यांनी पोलीस हवालदार प्रविण वाघमारे, पोलीस हवालदार प्रदीप म्हसदे, पोलीस नाईक प्रशांत मरकड, पोलीस नाईक विशाल देवरे, पोलीस नाईक विशाल काठे, अशांचे पथक तयार करून मिळालेल्या बातमीवरून कायदेशीर कारवाई करण्याचे आदेश दिले होते.
- त्याअनुषंगाने वरील नमुद पोलीस अंमलदार यांनी मिळालेल्या बातमीप्रमाणे सिव्हील हॉस्पीटल नाशिक या परीसरात सापळा लावुन तडीपार इसम नामे वेदांत संजय चाळगे वय-१९ वर्षे रा. वेद मंदीराचे पाठीमागे, राहुलनगर, तिडके कॉलनी, नाशिक यास ताब्यात घेतले, सदर आरोपी हा सरकारवाडा पोलीस ठाणे कडील रेकॉर्डवरील आरोपी सध्या तडीपार असल्याचे निष्पन्न झाले, त्यास पुढील कारवाई कामी सरकारवाडा पोलीस ठाणे येथे हजर करण्यात आले आहे.
तसेच सरकारवाडा पोलीस स्टेशन गुरनं २१०/२०२३ भादविक ३७९ या मोबाईल चोरी गुन्हयाचा समांतर तपास करत असतांना पो.ना/८७९ महेश सांळुके, पो. अं. २१५४ राहुल पालखेडे यांनी केलेल्या तांत्रीक तपासावरून सदर गुन्हयातील मोबाईल पो. हवा / ३६७ प्रदीप म्हसदे यांनी हस्तगत केला, सदरचा मोबाईल हा रेकॉर्डवरील आरोपी नामे मनोज उर्फ टिल्लु आण्णा पवार रा. शनीमंदीरामागे, पेठरोड, पंचवटी, नाशिक याने चोरी केल्याचे निष्पन्न झाला असुन तो सध्या पंचवटी पोलीस स्टेशन गुरनं ५६९/२०२३ भादविक ३७६, ५०६ या बलात्काराच्या गुन्हयात डिसेंबर २०२३ पासुन मध्यवर्ती कारागृहात आहे, सदरचा मोबाईल चोरीचा गुन्हा उघडकीस आणुन मोबाईल फोन हा पुढील कारवाई कामी सरकारवाडा पोलीस ठाणे येथे हजर करण्यात आला आहे.
सदर कामगिरी मा. पोलीस आयुक्त साो, श्री. संदीप कर्णीक सो. मा. पोलीस उप आयुक्त सो. गुन्हे, प्रशांत बच्छाव साो. मा. सहा. पोलीस आयुक्त सो. डॉ. सिताराम कोल्हे यांचे मार्गदर्शनाखाली वरिष्ठ पोलीस निरीक्षक श्री. विजय ढमाळ, सहाय्यक पोलीस निरीक्षक हेमंत तोडकर, पोलीस उपनिरीक्षक चेतन श्रीवंत, पोलीस हवालदार प्रविण वाघमारे, पोलीस हवालदार प्रदीप म्हसदे, पोलीस नाईक प्रशांत मरकड, पोलीस नाईक विशाल देवरे, पोलीस नाईक विशाल काठे, अशांनी केली आहे.
