दरोडा व शस्त्र विरोधी पथकाने बेकायदेशीररित्या गावठी कट्टा, जिवंत काडतूस बाळगणा-या इसमास केले हत्यारासह जेरबंद….!!
लाल दिवा-नाशिक,ता.१५ : अंकुश शिंदे, पोलीस आयुक्त, नाशिक शहर यांनी पोलीस आयुक्तालयात नाशिक शहर हद्दीत अवैध अग्नीशस्त्रे व हत्यारे बाळणारे इसम गुन्हेगार यांच्यावर कारवाई करण्याकरीता दरोडा व शस्त्र विरोधी पथक तयार निर्माण करून कारवाई करणे बाबत आदेशीत केले होते. त्याअनुषंगाने मा. श्री प्रशांत बच्छाव, पोलीस उप आयुक्त (गुन्हे) श्री वसंत मोरे, सहा पोलीस आयुक्त (गुन्हे) नाशिक शहर यांनी अवैध अग्नीशस्त्र बाळणा-या गुन्हेगारांची माहिती काढुन कारवाई करण्याबाबत सुचना दिल्या होत्या.
दरोडा व शस्त्र विरोधी पथकातील पोलीस अंमलदारांना दि. १५/०६/२०२३ रोजी पोहवा विजयकुमार सुर्यवंशी व पोलीस अंमलदार महेश खांडबहाले यांना एकत्रित गुप्त बातमी मिळाली की उपनगर पोलीस स्टेशन हद्दीत इसम नामे जयेश सुरेश अहिरे उर्फ भोला हा गावठी कट्टा घेवुन येणार आहे. सदरच्या माहीतीवरून दरोडा व शस्त्र विरोधी पथक नाशिक शहर यांनी आरोपी इसम नामे जयेश सुरेश अहिरे उर्फ भोला वय ३० वर्षे, धंदा- बांधकाम व्यावसायिक राहणार- श्री सदगुरू अपार्टमेंट, फ्लॅट नं. ०८, गांधी नगर, रामदास स्वामी नगर, लेन नं. २, उपनगर, नाशिक यास सापळा रचुन ताब्यात घेतले. त्याचेजवळ ०१ गावठी देशी बनावटीचे पिस्टल मॅगझीनह, ०३ जिवंत काडतूस, ०१ खाली केस (काडतुसाची पुंगळी) जवळ बाळगतांना मिळुन आल्याने व त्याने मा. पोलीस आयुक्त कार्यालयाकडील शस्त्र बंदी | मनाई आदेश व हद्दपार आदेशाचे भंग केल्याने त्यांचे विरुद्ध उपनगर पोलीस ठाणे येथे शस्त्र अधिनियम कलम ३/२५,५/२५ सह महाराष्ट्र पोलीस अधिनियम कलम १३५ प्रमाणे गुन्हा दाखल करण्यात आला आहे.
सदरची कामगिरी मा. श्री अंकुश शिंदे, पोलीस आयुक्त, नाशिक शहर, मा. श्री. प्रशांत बच्छाव, पोलीस उपायुक्त (गुन्हे), नाशिक शहर, मा. श्री. वसंत मोरे, सहा. पोलीस आयुक्त (गुन्हे) यांचे मार्गदर्शनाखाली दरोडा व शस्त्र विरोधी पथकाचे प्रभारी सपोनि / किरण रोंदळे व पथक १ ) पोहवा / विजयकुमार सुर्यवंशी २) पोना / मोहन देशमुख ३ ) पोअं / महेश खंडबहाले ४) पोअं. / संदीप डावरे ५) पोअं / विशाल जोशी ६ ) मपोअं / मनिषा सौरभ कांबळे यांनी संयुक्तरित्या पार पाडली आहे.
