भाजपाच्या बाईक रॅलीला हेल्मेटचा विसर….. ट्रॅफिक वाल्या काकांची “हाताची घडी.. तोंडावर बोट”….!
लाल दिवा-नाशिक,ता.२१ :- भारतीय जनता युवा मोर्चा, महिला मोर्चा व जय श्री बालाजी चॅरिटेबल ट्रस्ट च्या वतीने हिंदवी स्वराज्याचे सरसंस्थापक श्रीमंत श्री शिव छत्रपती महाराज यांच्या ३९४ जयंत्ती निमित्त महिला व मुलींसाठी भव्य बाईक रॅलीचे आयोजन करण्यात आले.
यावेळी पाथर्डी फाटा येथील छत्रपती शिवाजी महाराजांच्या स्मारकाला पुष्प वृष्टी करुन अभिवादन करुन रॅलीची सुरुवात करण्यात आली. पाथर्डी फाट्या मार्गे अंबड गांव, प्रणय स्टॅम्पिंग, माऊली लॅान्स, बंदावणे नगर, भोळे मंगल कार्यालय व नंतर कल्पतरु हॅास्पिटल येथे महाराजांना अभिवादन करुन रॅलीची सांगता करण्यात आली.
या रॅलीला महिला भगिनी व तरुण युवतींचा उत्स्फुर्त प्रतिसाद होता. अत्यंत उत्साहात महाराजांचा जयघोष करत रॅली संपन्न झाली. या रॅली प्रसंगी नाशिक पश्चिम मतदारसंघाच्या लोकप्रिय आमदार सीमा हिरे, भाजपा ज्येष्ठ नेते महेश हिरे, माजी नगरसेविका प्रतिभा पवार, भाग्यश्री ढोमसे, छाया देवांग, महिला मोर्चा शहराध्यक्ष सोनाली ठाकरे, सोनाली पवार, रश्मी हिरे बेंडाळे, युवा मोर्चा शहराध्यक्ष सागर शेलार त्याच प्रमाणे महिला मोर्चा, युवा मोर्चा पदाधिकारी व कार्यकर्ते उपस्थित होते. यावेळी या कार्यक्रमाचे आयोजक नाशिक भाजपा युवा मोर्चा सरचिटणीस डॅा. वैभव महाले, महिला मोर्चा उपाध्यक्ष कोमल महाले व जय बालाजी चॅरिटेबल ट्रस्ट च्या संस्थापिका अध्यक्षा जयश्री चौधरी यांनी उपस्थितांचे आभार मानले.
