निवृत्ती अरिंगळेचे लोकसभेसाठी शक्ती प्रदर्शन ….कार्यकर्त्यांच्या उपस्थितीत कल आजमावणार ….!

लाल दिवा-नाशिक,या.७ :-अजित पवार ग टाचे नेते निवृत्ती अरिगळे यांनी 11 फेब्रुवारीला (रविवारी) साई ग्रँड लॉन्स, विहित गाव, नाशिक रोड येथे शक्ती प्रदर्शन ठेवले आहे.

भारतीय जनता पक्ष आणि महाविकास आघाडीने अद्याप उमेदवार जाहीर केलेला नसला तरी इच्छुकांनी नाशिक लोकसभेतील सहा विधानसभा मतदारसंघांमध्ये लोकसंपर्क करायला सुरुवात केली आहे. निवृत्ती अरीगळे यांनी येत्या रविवारी शक्ती प्रदर्शन ठेवले आहे. सर्वपक्षीय मित्रांचा स्नेह मेळावा या शीर्षकाखाली त्यांनी कार्यक्रम आयोजित केलेला असला तरी लोकसभा उमेदवारीची ही रंगीत तालीम असल्याचे बोलले जात आहे. भारतीय जनता पक्षाकडून अरिगळे यांनी तिकिटाची मागणी केलेली असली तरी तिकिटाची माळ कोणाच्या गळ्यात पडणार आता हे पाहणे उत्सुकतेचे ठरणार आहे. म्हणून लोकांची मते जाणून घेण्यासाठी आणि पुढील निवडणुकीची रणनीती ठरवण्यासाठी सर्वपक्षीय मित्रपरिवार आरिंगळे समर्थकांनी एकत्र करायचे ठरवले आहे. माजी आमदार जयंत जाधव, आ. सरोज अहिरे, माजी नगरसेवक अनिल चौगुले, शिवजन्मोत्सव समितीचे नाशिक रोड अध्यक्ष शिवाजी हांडोरे, रंजन ठाकरे, शिवाजी करंजकर, मनोहर कोरडे, इरफान शेख, गोरख बलकवडे, भास्कर गोडसे, विक्रम कोठुळे, उत्तम सहाने, प्रशांत कापसे ,जाकीर शेख, डॉ. संजय गडाख, वसंत अरिगळे, राजाराम धनवटे, विष्णू पेखळे, अर्जुन टिळे, विनोद देशमुख, विलास धुरजड यांच्यासह अरिंगळे मित्रपरिवार संयोजन करीत आहे

.