शिवसेना जिल्हाप्रमुख सुधाकर बडगुजर ठरले किंग मेकर.. ……..विजयानंतर वाजे यांनी मुंबईला जाऊन घेतले उद्धव ठाकरे यांचे आशीर्वाद…….पक्षप्रमुखांनी दिले नाशिकसह राज्याच्या दौऱ्याचे संकेत…….!
लाल दिवा : मी लवकरच नाशिकला येईन तसेच राज्यभर दौराही करणार आहे,असे उद्गार शिवसेना ठाकरे गटाचे पक्षप्रमुख उद्धव ठाकरे यांनी काढले.
नाशिक लोकसभा मतदारसंघातून गद्दार हेमंत गोडसे यांचा मोठ्या फरकाने पराभव करून इतिहास घडवणारे शिवसेना ठाकरे गटाचे( महाविकास आघाडी) उमेदवार राजाभाऊ वाजे यांनी सह संपर्कप्रमुख दत्ता गायकवाड,जिल्हाप्रमुख सुधाकर बडगुजर, महानगरप्रमुख विलास शिंदे,माजी आमदार वसंत गिते यांच्यासह मुंबईत मातोश्रीला भेट देऊन उद्धव ठाकरे यांचे आशीर्वाद घेतले त्यावेळी उपस्थितांना उद्देशून मार्गदर्शन करताना उद्धव ठाकरे बोलत होते. संस्मरणीय विजय मिळवल्याबद्दल उद्धवसाहेबांनी नाशिक जिल्ह्यातील सर्व टीमचे तोंड भरून कौतुक करून सर्वांचे अभिनंदन केले.आगामी निवडणुकांसाठी हा विजय पक्षाला निश्चितच बळ देईल असे सांगून त्यांनी या सर्वांना एक प्रकारे विधानसभा निवडणुकीसाठी सज्ज राहण्याचे आवाहनही सर्वाना केले.यावेळी माजी महापौर विनायक पांडे,डी.जी.सूर्यवंशी,निवृत्ती जाधव,केशव पोरजे, संजय चव्हाण यांच्यासह पक्षाचे कार्यकर्ते व पदाधिकारी मोठ्या संख्येने उपस्थित होते…
