पंचवटीत क्रौर्य: तरुणाला दगडाने ठेचून ठार मारले, १२ तासांत आरोपी अटकेत

पंचवटीतील हत्येतील आरोपी १२ तासांत गजाआड 

नाशिक – पंचवटी परिसरात घडलेल्या एका धक्कादायक घटनेत ३० वर्षीय तरुणाची दगडाने ठेचून हत्या करण्यात आली. ही घटना घडल्यानंतर अवघ्या १२ तासांच्या आतच पोलिसांनी दोन्ही संशयितांना ताब्यात घेतले आहे. प्राथमिक तपासात ही हत्या भांडणातून झाल्याचे समोर आले आहे. पोलिसांनी दिलेल्या माहितीनुसार, ( अतुल सूर्यवंशी) या तरुणाचा काही कारणावरून संशयितांशी वाद झाला होता. वाद विकोपाला गेल्यानंतर संशयितांनी (अतुल सूर्यवंशी) यांना दगडाने मारहाण करत त्यांचा खून केला. पोलिसांनी घटनास्थळी भेट देऊन पंचनामा केला असून मृतदेह शवविच्छेदनासाठी पाठवण्यात आला आहे. या प्रकरणी गुन्हा दाखल करून पुढील तपास सुरू आहे