नाशिक दंगलीत काय लपलं होतं? पोलिसांनी पत्रकारांना का दिला मान?

नाशिक दंगलीत ‘कॅमेरा’ हाच शस्त्र: पत्रकारांच्या धाडसाचे पोलिसांकडून कौतुक!

नाशिक, ७ सप्टेंबर २०२४** – नाशिक शहरात १६ ऑगस्ट रोजी सकल हिंदू समाजातर्फे करण्यात आलेल्या बंद दरम्यान काही अति उत्साही तरुणांमुळे दोन गटात दगडफेक झाली होती. या तणावपूर्ण परिस्थितीत नाशिक शहर पोलिसांनी आपले कौशल्य पणाला लावत कोणताही अनुचित प्रकार घडू न देता आणि जीवितहानी न होता परिस्थितीवर नियंत्रण मिळवले. .

यावेळी पत्रकारांनीही आपला जीव धोक्यात घालून पोलिसांच्या खांद्याला खांदा लावत परिस्थितीचे छायाचित्रण केले. पत्रकारांनी दाखवलेल्या या धाडसाचे आणि कर्तव्यदक्षतेचे कौतुक करण्यासाठी नाशिक पोलिसांनी त्यांचा सन्मान केला. 

६ सप्टेंबर रोजी सकाळी पोलीस मुख्यालयात आयोजित एका साध्या पण भव्य अशा सोहळ्यात पोलीस आयुक्त संदीप कर्णिक यांच्या हस्ते पत्रकारांना प्रशस्तिपत्र देऊन गौरविण्यात आले. 

यावेळी बोलताना पोलीस आयुक्त कर्णिक म्हणाले, “दंगलीच्या वेळी पत्रकारांनी दाखवलेले धाडस आणि कर्तव्यपरायणता अत्यंत कौतुकास्पद आहे. जीव मुठीत घेऊन त्यांनी आपले कर्तव्य पार पाडले आणि परिस्थितीचे वास्तव लोकांपर्यंत पोहोचवण्याचे काम केले. त्यांच्या या कामगिरीबद्दल आम्ही त्यांचे ऋणी आहोत.”

नाशिक शहरातील सर्व पत्रकार संघटना व पत्रकारांनीही यावेळी संदीप कर्णिक  पोलीस आयुक्तांचे आणि नाशिक पोलिसांचे मनःपूर्वक आभार मानले

.