धूम स्टाईल नियमांचे उल्लंघन करून कर्णकर्कश हॉर्न वाजवुन भरधाव वेगाने वाहन चालवुन टवाळखोरी करणा-या वाहन धारकांवर नाशिक शहर पोलीसांची कडक कारवाई…!

लाल दिवा-नाशिक,ता.३० मा. श्री. संदिप कर्णिक साो. पोलीस आयुक्त, नाशिक शहर यांनी महत्वाचे रस्त्यांवर वाहतुक नियमांचे उल्लंघन करून भरधाव वेगाने वाहन चालवुन मोठमोठ्याने कर्णकर्कश हॉर्न वाजवुन टवाळखोरी करणारे व सार्वजनिक ठिकाणी छेडछाड करणारे रोडरोमिओ इसमावर कारवाई करण्यासाठी आयुक्तालयातील सर्व पोलीस ठाणे व शहर वाहतुक शाखेकडील अधिकारी व अंमलदार यांचेसह विशेष मोहिम राबवुन कारवाई करणेबाबत आदेशीत केले होते.

दिनांक २८/११/२०२३ रोजी मैदाने, मोकळी ठिकाणी, गार्डन व आउटस्कर्ट या भागात टवाळखोरी करणारे व मदयपान करणारे इसमांवर कारवाई करण्यात आली होती. त्याचप्रमाणे दिनांक २९/११/२०२३ रोजीचे १९.०० ते २१.०० वाजे पावेतो परिमंडळ-१ मधील कॉलेजरोड, असाराम बापु ब्रिज, अशोका मार्ग व परिमंडळ-२ हददीत जेलरोड, अंबडलिंकरोड, इंदिरानगर वडाळा जॉगिंग ट्रक या ठिकाणी सर्व पोलीस ठाणे, गुन्हेशाखा व शहर वाहतुक शाखा यांचे समवेत रस्त्यांवर वाहतुक नियमांचे उल्लंघन करून भरधाव वेगाने वाहन चालवुन मोठमोठ्याने कर्णकर्कश हॉर्न वाजवुन टवाळखोरी करणारे व सार्वजनिक ठिकाणी छेडछाड करणारे रोडरोमिओ यांचेवर नाकाबंदी दरम्यान वाहतुक नियमांचे पालन न करणा-या वाहन धारकांवर मोटार वाहन कायदयाच्या विविध कलमान्वये कारवाई करण्यात आली.

दिनांक २९/११/२०२३ रोजी परिमंडळ १ हददीमधील टवाळखोरी करणा-या ६८ इसमांवर महाराष्ट्र पोलीस कायदा कलम ११२/११७ प्रमाणे कारवाई करण्यात आली तसेच मोटार वाहन कायदयाचे उल्लंघन करणा-या त्यात ट्रिपल शिट, विनाकागदपत्र, मॉडीफाईड सायलन्सर, भरधाव वेगाने वाहन चालविणे अशा एकुण १५८ वाहन धारकांवर कारवाई करून ८१,०००- रूपये दंड आकारण्यात आला. तसेच परिमंडळ २ हददीमधील टवाळखोरी करणा-या १२० इसमांवर महाराष्ट्र पोलीस कायदा

• कलम ११२/११७ प्रमाणे कारवाई करण्यात आली तसेच मोटार वाहन कायदयाचे उल्लंघन करणा-या

त्यात ट्रिपल शिट, विनाकागदपत्र, मॉडीफाईड सायलन्सर, भरधाव वेगाने वाहन चालविणे अशा एकुण १६९ वाहन धारकांवर कारवाई करून ४०,०००- रूपये दंड आकारण्यात आला. विशेष मोहिमे दरम्यान शहरातील एकुण १७० इसमांवर मपोका. कलम ११२,११७ कायदयान्वये करण्यात आली. तसेच मोटार वाहन कायदयाचे उल्लंघन करणा-या ३२७ वाहन धारकांवर कारवाई करून

• १,२१,०००- रूपये दंड आकारण्यात आला आहे. मा. पोलीस आयुक्त साो. यांचे मार्गदर्शनानुसार नाशिक शहरात यापुढे सातत्याने जे वाहन धारक

वाहतुक नियमांचे उल्लंघन करतील अशा वाहन धारकांवर दंडात्मक कारवाईचे सत्र तसेच सार्वजनिक ठिकाणी टवाळखोरी करणारे व महिलांची छेडछाड करणारे रोडरोमिओ यांचेवर कारवाई करण्यात येणार आहे.