जनतेचे दार, पोलीस आयुक्त दरबार!
सामान्यांच्या तक्रारींना पोलीस आयुक्त कर्णिक यांचा प्रतिसाद; न्यायाची आशा निर्माण
नाशिक पोलीस आयुक्त संदीप कर्णिक यांच्या कार्यशैलीची चर्चा आज सर्वत्र आहे. ‘लोकांचा पोलीस’ ही संकल्पना प्रत्यक्षात आणत ते नागरिकांसाठी नेहमीच उपलब्ध राहून, त्यांच्या समस्या सोडवण्यासाठी प्रयत्न करताना दिसत आहेत.
नुकताच एका सामान्य कुटुंबाशी घडलेला प्रकार हे याचे उत्तम उदाहरण म्हणता येईल. हे कुटुंब त्यांच्यावर झालेल्या अन्यायाविरुद्ध न्याय मिळवण्यासाठी थेट पोलीस आयुक्तांच्या दालनात पोहोचले. त्यांच्या व्यथा श्री. कर्णिक यांनी निरंतर ऐकून घेतल्या. कुटुंबाची कहाणी ऐकून घेतल्यानंतर श्री. कर्णिक यांनी लगेच कार्यवाही करण्याचे आदेश दिले. संबंधित अधिकाऱ्यांना तात्काळ बोलावून घेण्यात आले आणि कुटुंबाला योग्य तो न्याय मिळवून देण्यासाठी सक्त ताकीद देण्यात आली. श्री. कर्णिक यांच्या या प्रतिसादाने पीडित कुटुंबाला मोठा दिलासा मिळाला.
ही घटना ही केवळ एका कुटुंबाची कहाणी नाही तर ती नाशिकमधील अनेक सामान्य नागरिकांच्या मनातील भावना व्यक्त करते. श्री. कर्णिक यांच्या या उपक्रमामुळे सामान्यांनाही वाटायला लागले आहे की, “आता आमचेही कोणीतरी आहे, आम्हालाही न्याय मिळू शकतो.” पोलिसांबद्दलचा नकारात्मक दृष्टिकोन बदलायचा असेल, तर श्री. कर्णिक यांच्यासारख्या अधिकाऱ्यांची निश्चितच गरज आहे.
“आमच्यासाठी तर पोलीस आयुक्त देवासारखेच आहेत,” अशा शब्दांत त्या कुटुंबीयांनी आपली भावना व्यक्त केली.
श्री. कर्णिक यांची ही कार्यपद्धती इतर अधिकारी आणि कर्मचाऱ्यांसाठीही प्रेरणादायी ठरत आहे. त्यांच्या या कामगिरीमुळे नाशिककरांमध्ये एक आशा निर्माण झाली आहे की, “पोलीस आयुक्त आपल्यासाठी नेहमीच आहेत.”
