सिडकोत ‘लाल सलाम’! संपर्क कार्यालयाचे उद्घाटन, कर्तृत्ववान महिलांना सलाम!
सिडको सहावी स्किम येथे मार्क्सवादी कम्युनिस्ट पक्षाच्या संपर्क कार्यालयाचे उद्घाटन व कर्तृत्ववान महिलांचा सन्मान सोहळा
लाल दिवा-नाशिक,दि.८: (प्रतिनिधी) मार्क्सवादी कम्युनिस्ट पक्षाच्या वतीने सिडको सहावी स्किम येथे नव्याने स्थापन करण्यात आलेल्या संपर्क कार्यालयाचे उद्घाटन येत्या ९ ऑक्टोबर २०२४ रोजी दुपारी ४.३० वाजता संपन्न होणार आहे. याच कार्यक्रमात शहरातील विविध क्षेत्रातील कर्तृत्ववान महिलांचा सन्मान करण्यात येणार असल्याची माहिती पक्षाच्या वतीने देण्यात आली.
पक्षाचे राज्य सचिव मंडळ सदस्य डॉ. डी. एल. कराड यांच्या हस्ते संपर्क कार्यालयाचे उद्घाटन होणार असून तेच प्रमुख पाहुणे म्हणून उपस्थित राहणार आहेत. यावेळी शहरातील विविध क्षेत्रात उल्लेखनीय कामगिरी करणाऱ्या महिलांना गौरविण्यात येणार असल्याचे आयोजकांनी सांगितले.
नागरिकांशी संपर्क वाढवणे, त्यांच्या समस्या जाणून घेणे आणि त्या सोडविण्यासाठी प्रयत्न करणे हा या संपर्क कार्यालयामागील मुख्य उद्देश्य असल्याचे पक्षाच्या वतीने स्पष्ट करण्यात आले. यावेळी सर्व नागरिकांनी उपस्थित राहावे, असे आवाहन भारताचा कम्युनिस्ट पक्ष (मार्क्सवादी) नाशिक शहर कमिटी आणि सर्व युनिट सेक्रेटरी यांनी केले आहे.
