नामको निवडणुकीत माजी आ. वसंत गिते व माजी नगरसेवक प्रशांत दिवे यांना मिळाले सर्वाधिक मते…!
लाल दिवा-नाशिक,ता .२६ : नामाको बँकेच्या १९ जागांसाठी रिंगणात असलेल्या २६ जणांसाठी मतदान घेण्यात आले. सोमवारी (ता. २५) सिडकोतील राजे संभाजी स्टेडीयम येथे मतमोजणी झाली. मतमोजणीस १०८ टेबलवर मतपेट्यांची विभागणी करून प्रत्येकी तीन फेऱ्या करण्यात आल्या.
पहिल्या फेरीपासूनच सत्ताधारी प्रगती पॅनेलच्या उमेदवारांनी आघाडी घेतल्याचे दिसून आले. दुपारी पहिल्या व सायंकाळी दुसऱ्या फेरीच्या निकालाची घोषणा झाली. त्यानंतर विरोधी पॅनेलच्या उमेदवारांनी मतमोजणी केंद्रावरून काढता पाय घेतला. विरोधी गटातील एकाही उमेदवाराला पाच अंकी संख्या गाठता आली नाही.
विजयी उमेदवारांमध्ये प्रशांत दिवे, वसंत गिते यांना सर्वाधिक मते मिळाली. सोहनलाल भंडारी दुसऱ्या क्रमांकावर राहिले. सायंकाळी आठला अंतिम निकालाची घोषणा होताच उमेदवारांनी गुलालाची उधळण करत विजयी जल्लोष साजरा केला.
यंदा ललित मोदी, अॅड. आकाश छाजेड, देवेंद्र पटेल, महिला गटातून सपना बागमार, शीतल भट्टड या ५ उमेदवारांना प्रगती पॅनलने संधी दिली होती. त्यात सर्वांचा विजय झाला आहे. गतवेळी शोभा छाजेड या निवडून आल्या होत्या. यंदा त्यांच्याऐवजी त्यांचे चिरंजीव अॅड. आकाश छाजेड यांना संधी देण्यात आली. फय्याज मुलानी हे निवडणूक निर्णय अधिकारी होते…
