हाय प्रोफाईल सेक्स कॅण्डल मागील….. एका बड्या पक्षाचा नेता….. पवन क्षीरसागर च्या पोलिसांनी आवळल्या मुसक्या….. यामागील अन्य कुणी राजकीय नेते आहेत का याचा पोलिसांकडून शोध…….!
- उच्चभ्रू वसाहतीत राजकारणीचा डर्टी पिक्चर! कुंटणखाना उघड, नेता बेड्यांमध्ये!
लाल दिवा-नाशिक,दि.८:-छत्रपती संभाजीनगर नगर रोड शहरातील कपालेश्वर नगरातील एका उच्चभ्रू वसाहतीतील इमारतीत धक्कादायक प्रकार उघडकीस आला आहे. एका राजकीय नेत्याच्याच घरात कुंटणखाना चालवल्याचे निष्पन्न झाले असून, पोलिसांनी याप्रकरणी नेत्याला अटक केली आहे. पवन क्षीरसागर असे या नेत्याचे नाव असून तो [पक्षाचे नाव] पक्षाचा उत्तर महाराष्ट्र संघटक असल्याची माहिती आहे. या प्रकरणात आणखी राजकीय नेते सहभागी आहेत का, याचा तपास पोलीस करीत आहेत.
पोलिसांनी दिलेल्या माहितीनुसार, अनैतिक मानवी व्यापार प्रतिबंधक विभागाच्या पथकाला मिळालेल्या गुप्त माहितीच्या आधारे छापा टाकण्यात आला. या कारवाईत पोलिसांनी जफर मन्सुरी नावाच्या एका व्यक्तीला आणि एका महिलेला ताब्यात घेतले. तसेच दोन तरुणींना या कुंटणखान्यातून सोडवण्यात आले.
आडगाव पोलिसांनी केलेल्या प्राथमिक तपासात आणि परिसरातील नागरिकांनी दिलेल्या माहितीनुसार, संशयित महिला पवन क्षीरसागर याच्या आशीर्वादानेच हा कुंटणखाना चालवत असल्याचे समजले. याप्रकरणी वरिष्ठ निरीक्षक सचिन खैरनार यांच्या पथकाने ही कारवाई केली असून, पुढील तपास सुरू आहे.
पोलिसांनी दिलेल्या माहितीनुसार, पवन क्षीरसागर हा या घराचा मालक नसून भाड्याने राहत होता. गेल्या काही महिन्यांपासून येथे संशयास्पद हालचाली सुरू असल्याच्या तक्रारी स्थानिक रहिवाशांनी पोलिसांकडे केल्या होत्या. या तक्रारींची दखल घेत पोलिसांनी सापळा रचला आणि ही कारवाई केली.
या धक्कादायक प्रकारामुळे परिसरात खळबळ उडाली असून, पोलिसांनी दिलेल्या माहितीनुसार, या रॅकेटमध्ये आणखी काही मोठी नावे सामील असण्याची शक्यता आहे.
