जिल्हा सैनिक कार्यालयात गट-क करीता पदभरती…..!

लाल दिवा-नाशिक, दि,१२ :-जिल्हा सैनिक कार्यालयात सरळसेवेची पदे भरण्यासाठी ऑनलाईन पद्धतीने अर्ज मागविण्यात येत आहेत. पात्र इच्छुकांनी 3 मार्च 2024 पर्यंत सायंकाळी 6.00 वाजेपर्यंत www.mahasainik.maharashtra.gov.on या संकेतस्थळावर अर्ज सादर करावेत, असे आवाहन जिल्हा सैनिक अधिकारी लेफ्पनंट कमांडर ओंकार कापले (निवृत्त) यांनी प्रसिद्धी पत्रकान्वये केले आहे.

कल्याण संघटक 40 पदे, वसतिगृह अधीक्षक 17 पदे, कवायत प्रशिक्षक 1 पद, शारिरीक प्रशिक्षण निदेशक 1 पद या गट- क पदाकरीता माजी सैनिक उमेदवारांकडून व वसतिगृह अधीक्षिका 03 पदांसाठी सैनिक वीरपत्नी यांच्याकडून किंवा सैनिक वीरपत्नी उपलब्ध न झाल्यास माजी सैनिकांच्या पत्नी यांच्याकडून अर्ज मागविण्यात येत आहेत.

पदभरती करण्यात येणाऱ्या पदांपैकी एक पद हे अपंग संवर्गातून किमान 40 टक्के अपंगत्व असलेल्या उमेदवारांमधून दिव्यांगत्वाच्या प्रकारांनुसार कर्तव्ये व जबाबदारीच विचार करून गुणवत्ता व उपलब्धतेनुसार भरण्यात येणार आहे. सदर भरती प्रक्रिया टिसीएस- आयओएन यांच्यामार्फत होणार आहे. ऑनलाईन अर्ज www.mahasainik.maharashtra.gov.on या संकेतस्थळावर उपलब्ध असून Recruitment Tab वर अर्ज 12 फेब्रुवारी 2024 पासून ते 03 मार्च 2024 रोजी सायंकाळी 6.00 पर्यंतच सादर करणे आवश्यक आहे. त्यांनतर वेबलिंक बंद होणार असल्याचे श्री. कापले यांनी कळविले आहे.