गुन्हे शाखा युनिट -२ ची “विशाल” प्रशंसनीय कामगिरी……जेलरोड भागात वाहनांची जाळपोळ करणारे अज्ञात समाजकंटक अवघ्या एका तासात ताब्यात ….!
लाल दिवा-नाशिक,ता.६ :- पहाटेचे सुमारास पिंपळपट्टी जेल रोड भगवती लॉन्स शेजारी अज्ञात समाजकंटकांनी दोन मोटरसायकल पेटवून दहशत माजवण्याचा प्रयत्न केला, सदर झालेल्या प्रकाराची माहिती मिळताच गुन्हे शाखा युनिट-२ कडील वरिष्ठ पोलीस निरीक्षक व्ही. डी. श्रीमनवार, सहाय्यक पोलिस निरीक्षक सचिन जाधव, बाळु शेळके, पोलीस हवालदार प्रकाश भालेराव,विशाल पाटील, मनोहर शिंदे, शकंर काळे, प्रकाश महाजन, पो अंमलदार नितीन फुलमाळी अशांनी घटनास्थळी भेट दिली.
सदर कृत्य करणारे अज्ञात समाजकंटकांचा शोध घेत असतांना पोहवा विशाल पाटील यांना मिळालेल्या गोपनीय माहिती नुसार सदरचा गुन्हा हा संशयित आरोपी नामे १) निखिल संजय बोराडे वय २४ वर्षे, राहणार पिंपळपट्टी रोड, जेलरोड २) निलेश भास्कर कांबळे वय २३ वर्षे रा. बालाजी नगर, जेलरोड अशांनी केला असल्याचे निष्पन्न केले व ते गुन्हा करुन बाहेर पळून जाण्याच्या तयारीत असताना त्यांना इंदिरा गांधी पुतळा जेलरोड येथे सापळा रचून मोठ्या शिताफिने माहिती मिळाल्याचे अवघ्या एका तासाचे आत ताब्यात घेण्यात आले आहे.
सदरची कामगिरी मा. पोलीस आयुक्त, नाशिक शहर संदिप कर्णिक, पोलीस उप आयुक्त, गुन्हे प्रशांत बच्छाव, सहा. पोलीस आयुक्त, गुन्हे सिताराम कोल्हे यांचे मार्गदर्शनाखाली गुन्हे शाखा युनिट २ कडील वरिष्ठ पोलीस निरीक्षक व्ही.डी. श्रीमनवार, सहाय्यक पोलिस निरीक्षक सचिन जाधव, पोलीस हवालदार विशाल पाटील, सहाय्यक पोलीस उपनिरीक्षक बाळु शेळके, पोलीस हवालदार प्रकाश भालेराव, मनोहर शिंदे, शकंर काळे, गुलाब सोनार, प्रकाश महाजन, पोलीस अंमलदार नितीन फुलमाळी, संजय पोटींदे अशांनी केली आहे.
