आठवले जोशी बाल मंदिर शाळेत शिक्षकदिन उत्साहात साजरा
लाल दिवा -नाशिक,दि.९: डॉ.सर्वपल्ली राधाकृष्णन यांच्या जयंतीनिमित्त शाळेचे मुख्याध्यापिका श्रीमती दर्शना मोरे व विद्यार्थी शिक्षक यांच्या हस्ते प्रतिमा पूजन करून कार्यक्रमाची सुरुवात झाली.
शाळेतील उपशिक्षिका सौ.अस्मिता अहिरे यांनी विद्यार्थ्यांना डॉ. सर्वपल्ली राधाकृष्णन यांची माहिती सांगितली. इयत्ता पहिली ते चौथीच्या विद्यार्थ्यांनी आपल्या मनोगतातून वर्गशिक्षकांप्रती कृतज्ञता व्यक्त करून नमस्कार केला. यानंतर श्रीमती दर्शना मोरे यांनी शिक्षक दिनाच्या शुभेच्छा दिल्या. शिक्षकदिनाचे औचित्य साधून सकाळ सत्रातील सर्व विद्यार्थी शिक्षकांनी वर्गावर जाऊन अध्यापन केले.
अध्यापन तासिका झाल्यावर सर्व विद्यार्थी शिक्षकांनी वर्गावर शिक्षक म्हणून गेल्याचे अनुभव सांगितले. मुख्याध्यापिका श्रीमती दर्शना मोरे यांनी सर्व विद्यार्थी शिक्षकांचे फुल व पेन देऊन कौतुक केले सन्मानित केले.शिक्षक दिन कार्यक्रमाचे नियोजन व सूत्रसंचालन महिना प्रमुख सौ. शर्मिला डोंगरे यांनी केले
.
